Eolin
ALFA LIPOY KISLOTASI MEGLUMIN TUZI SHAKLIDA
INFUZIYA UCHUN ERITMA 1,2% - 50 ML FLAKONDA
Taʼsir mexanizmi:
- Qonda glyukozaning darajasini pasaytiradi.
- Hujayrada energiyaning hosil boʻlishida muhim rol oʻynaydi.
- Lipid va uglevod almashinuvini tartibga soladi.
- Jigarda glikogen miqdorini oshirishda yordam beradi.
- Antitoksik va antioksidant taʼsiriga ega.
- Jigar faoliyatini yaxshilaydi.
Qoʻllashga koʻrsatmalar:
- Diabetik polineyropatiyada
- Diabetik nefropatiya
- Ateroskleroz
- Diabetik koma
- Alkogolli polineyropatiya
Metabolizmni yaxshilovchi vosita
Preparatning savdo nomi: Eolin Taʼsir etuvchi modda: tioctic acid Dori shakli: infuziya uchun eritma 1,2% - 50 ml
Tarkibi:
- faol modda: 1 ml alfa-lipoy kislotasining meglumin tuzi (23,354 mg lipoy kislotasiga toʻgʻri keladi)
- yordamchi modda: meglumin, polietilenglikol
Taʼrifi: sariq rangli tiniq suyuqlik. Farmakoterapevtik guruhi: metabolizmni muvofiqlashtiruvchi vosita.
Farmakologik xususiyatlari Alfa-lipoy kislota organizmda sintezlanadigan va alfa-keto kislotalarining oksidlovchi dekarboksilanishida koenzim vazifasini bajaradigan modda; hujayrada energiyaning hosil boʻlishida muhim rol oʻynaydi. Qonda glyukozaning darajasini pasaytiradi va jigarda glikogen miqdorini oshirishda yordam beradi. Intoksikatsiya yoki ayrim parchalanishlar mahsulotlarining (masalan, keton tanachalari) ortiqcha toʻplanishi sababli alfa-lipoy kislotasi metabolizmining yetishmasligi yoki buzilishi aerob glikolizning buzilishiga olib keladi. Alfa-lipoy kislotasi antitoksik va antioksidant taʼsiriga ega. Alfa-lipoy kislota xolesterin almashinuviga taʼsir qiladi, lipid va uglevod almashinuvini tartibga soladi, jigar faoliyatini yaxshilaydi (gepatoprotektor, antioksidant, dezintoksikatsiya taʼsiri orqali). Alfa-lipoy kislotaning farmakologik xususiyatlari vitamin B guruhiga oʻxshaydi.
Qoʻllanilishi:
- Diabetik polineyropatiya
- Diabetik nefropatiya
- Ateroskleroz
- Diabetik koma
- Alkogolli polineyropatiya
Qarshi koʻrsatmalari:
- Preparatga sezgirlik
- Homiladorlik va emizikli davr
- 18 yoshgacha boʻlgan bolalar
- Oshqozon yara kasalligi, giperatsid gastrit
- Qandli diabetning dekompensatsiya davri
Qoʻllash usuli va dozalari: Preparat v/i tomchilab yuboriladi. Preparatni toʻgʻridan-toʻgʻri flakon orqali yuboriladi (erituvchisiz) katta yoshlilarga 600 mg/sut (flakondagi tarkibi bilan) 30 daqiqa oraligʻida. Davolash kursi 2-4 hafta. Keyinchalik preparatni sutkasiga 600 mg dan qoʻllaniladi.
Chiqarilish shakli: 50 ml shisha flakonda, karton qutisi bilan.
Ishlab chiqaruvchi: "TEMUR MED FARM" MChJ Oʻzbekiston "SIRIUS PHARM INT" uchun ishlab chiqarilgan.
